คลิปแมสด็อทคอม
 
    
Upload




โพสสกู๊ปโพสต์สกู๊ป
สกู๊ปมาใหม่
เรื่องเด่น
ยอดนิยม
ข่าว Update
สกู๊ปแนะนำ
คอลัมนิสต์


กลอนคําเมืองเหนือ สําหรับ บ่าวเคิ้น



 

ยามหน้าหนาว

หมู่เฮาสาวค้าง

ถึงขาดคู่ข้าง

แต่ยังม่วนใจ๋

ผ้าต้วบผ้าตุ๊ม

บ่ต้องแบ่งไผ

บ่มีคนใด

มาลู่ห่มผ้า

จะหลับลุกขวาย

เมื่องายเมื่อหล้า

บ่มีไผมา

ว่าฮ้าย

จะกลิ้งไปขวา

ตะแคงมาซ้าย

หรือดิ้นแหวกว่าย

บนเตียง

จะหลับขนฟื้อ

ไผบ่ยินเสียง

ขาดคู่นอนเคียง

มันดีแต๊เจ้า

จะกิ๋นกาแฟ

มาม่าต๋างข้าว

ไผบ่ว่าเฮา

ขี้คร้าน

กันอยากขึ้นมา

ก็ไปนั่งร้าน

บ่เปลื๋องแก๊สบ้าน

เฮาดี

จะกิ๋นน้ำพริก

แก๋งหอยแก๋งปลี๋

เปิ้นก็ตึงมี

ขายที่กาดหั้น

เฮาอยู่คนเดียว

รับรองบ่กลั้น

มีกิ๋นตึงวัน

บ่ซ้ำ

ตึงใจ๋ตึงก๋าย

สบายเจ่นล้ำ

บ่อึดบ่อ้ำ

อันใด

ฟังวิทยุ

ก็สบายใจ๋

บ่มีคนใด

มาลู่คลื่นเจ้า

จะผ่อทีวี

ช่องเจ็ดช่องเก้า

ผ่อต๋ามใจ๋เฮา

ชอบมัก

จะผ่อละคร

เรื่องบู๊เรื่องฮัก

หรือจักผ่อด้าน

กีฬา

จะฟังทิดทุ้ย

สาคร,หนานถา

ไผก็บ่มา

ว่าหยังเฮาได้

เปิ้นมีก๋ารงาน

บ้านเหนือบ้านใต้

ก็ดูต่างไป

แอ่วฟ้อน

บ่มีลูกผัว

บ่ได้เดือดร้อน

ว่าไผจะอ้อน

จะคอย

คนมีคู่นั้น

มันบ่น่าขอย

ไปศพไปปอย

ห่วงหลังห่วงหน้า

ห่วงคนอยู่หลัง

จะนั่งรอถ้า

จะกิ๋นหยังจา

บ่ฮู้

บึดจ่มเรื่องผัว

เดียวหนัวเรื่องจู๊

ปอบ่ได้อู้

เรื่องตาน

เลี้ยงลูกใหญ่แล้ว

ยังต้องเลี้ยงหลาน

ยุ่งอยู่กับงาน

กึ๊ดร่ำต่ำสร้าง

มีลูกก๋วนตั๋ว

มีผัวก๋วนข้าง

ตุ๊กข์บ่ได้วาง

ว่างพัก

พระเปิ้นยังสอน

ที่ไหนมีฮัก

มักมีทุกข์หั้น

ตวยมา

ได้ผัวเจ้าจู๊

ก็ทุกข์นักหนา

ได้ผัวขี้ยา

ก็น่ากลั๋วเจ้า

พ่องก็ทุกข์ใจ๋

ได้ผัวขี้เหล้า

นอนกับขี้เมา

โชคร้าย

พ่องก็ทุกข์ใจ๋

ได้ผัวขี้พ้าย

เซาะหาเงินส้าย

บ่ทัน

อยู่เป๋นโสดนี้

ก็ดีเหมือนกั๋น

เพียงแต่บางวัน

มันเหงาไปหน้อย

ส่วนใหญ่ก็ดี

บ่มีปมด้อย

บ่ต้องมาคอย

เป๋นทุกข์

หันเขาแต่งงาน

หัวหมุ้นก้นซุก

เป๋นสุขแบบยุ่ง


โพสต์เมื่อ 29 พ.ย. 54 เวลา 06:52

Credit:  ตนเมืองเหนือดอดคอม

หมวดหมู่: นานา สาระ

Tags:  บทกลอน
4341 คนอ่าน
เม้นท์ 0 Comments , Like 0 Likes
  



THE10CC

โพสต์โดย : THE10CC
ผู้กำกับภาพ
สมาชิก VIP
สกู๊ปผู้โพส

แชร์สกู๊ป

แชร์ Facebook
twitter
google+


Link 





แสดงความคิดเห็น

กรุณา Login เพื่อแสดงความคิดเห็น
กรุณาแสดงความคิดเห็นด้วยถ้อยคำที่สุภาพ และเกี่ยวข้องกับคลิปด้วยค่ะ

หากโพสต์ผิดกฎจะทำให้ point ติดลบค่ะ รายละเอียด

ส่ง Scoop ให้เพื่อน

E-mail เพื่อน

E-mail ผู้ส่ง

ข้อความ

 

แจ้งลบไม่เหมาะสม

ชื่อ ผู้ส่ง

E-mail ผู้ส่ง

ข้อความ / เหตุผล

 


ความคิดเห็น

สำหรับ Facebook

เรื่องที่เกี่ยวข้อง


เรื่องล่าสุดของ THE10CC


หมวด
Scoop